Office Introduction
जिल्लाको पश्चिमी भेगको प्रशासनिक कामकाज गर्न वि.सं. २०५७ सालमा इलाका प्रशासन कार्यालय दुल्लुको स्थापना भएको हो । हाल यो कार्यालय दुल्लु नगरपालिका वडा नं. ७ स्थित दुल्लुको पताङ्गिनी बजार क्षेत्रमा छ । प्रमुख जिल्ला अधिकारीबाट अधिकार प्रत्यायोजन भए बमोजिम हाल जिल्लाको पश्चिमी भगेका ३ नगरपालिकाहरु दुल्लु नगरपालिका (साविकका गा.वि.स. दुल्लु १-९, मालिका, गौरी, गमौडी, कालभैरव), चामुण्डा विन्द्रासैनी नगरपालिका (साविकका गा.वि.स. चामुण्डा, जम्बुकाँध, लयाँटी विन्द्रासैनी) , आठबीस नगरपालिका (साविकका गा.वि.स.हरु सात्तला, सिंगाौडी, राकमकर्णाली, सिंहासैन, तिलेपाटा) र २ गाउँपालिकाहरु भैरबी गाउँपालिका (साविकका गा.वि.स.हरु रावतकोट, भैरीकालिकाथुम, कुशापानी र काशिकाँध -८) , ठाँटीकाँध गाउँपालिका (साविकका गा.वि.स.हरु लकान्द्र, विशाला, ताेलीजैसी) क्षेत्रका नागरिकहरुलाई सेवा दिइरहेको छ ।
यस कार्यालयले खास गरी आफ्नो कार्य क्षेत्र भित्रका नागरिकहरुलाई देहाय बमोजिम सेवा प्रदान गर्दै आएको छ -
- बंशजको आधारमा नेपाली नागरिकताको प्रमाण पत्र जारी गर्ने ।
- प्रतिलिपि नागरिकता जारी गर्ने ।
- नावालक परिचय पत्र जारी गर्ने ।
- ठाडो उजुरी सुनी सो उपर आवश्यक कारवाही गर्ने ।
- आपूर्ति व्यवस्थालाई सहज वनाई राख्न वजार अनुगमन गर्ने, कालो वजारी तथा तस्करी नियन्त्रण सम्वन्धी प्रारम्भिक कार्य गर्ने ।
- आफ्नो ईलाका भित्रका सरकारी कार्यालयहरुको निरीक्षण एवं सार्वजनिक सेवा वितरण कार्य छिटो छरितो र गुणस्तरीय तुल्याउन आवश्यक सहयोग,समन्वय र सहजीकरण गर्ने ।
- शान्ति सुव्यवस्था कायम राख्न प्रमुख जिल्ला अधिकारीलाई सहयोग गर्ने ।
- ईलाका भित्र पर्ने सुरक्षा निकायको काम कारवाही उपर रेखदेख, नियन्त्रण र सुपरिवेक्षण गर्ने ।
- विकास निर्माणका कार्यमा स्थानीय तहहरु लगायत सम्वद्ध पक्षको सहयोग, समन्वय र अनुगमन गर्ने ।
- गै .स.स. का काम कारवाहीका सम्वन्धमा अनुगमन, निरीक्षण, नियमन गर्ने, नवीकरण गर्ने ।
- सरकारी सम्पत्तिको रेखदेख, मर्मत सम्भार गर्न लगाउने ।
- स्थानीय तहहरुबाट शिफारिस भई आएका विविध व्यहोरा प्रमाणित गर्ने ।
- ईलाका भित्र अवैध मदिरा नियन्त्रण र नियमन सम्वन्धी कार्य गर्ने ।
- लागू औषध नियन्त्रण सम्वन्धी कार्यमा समन्वय गर्ने ।
- भैपरि आउने अन्य कार्य गर्ने ।